Gandhit

Hüt isch Gandfescht hi mier vernoh
drum si mier alli zämä cho
ja mit Frou u Chind u Chegel
höcklä mier itz bim Rentsch Fredel
All dä gluschtig fein Salat
hi di Froue gmacht parat
Pommes frites, Chueche, Brot u Wurscht
u sicher öppis für ä Durscht

Refreain:
Hüt wi mier ässe, schpile, lache
us zäme luschtig ha
mier danke dä Initiante
wo die gueti Idee hi gha

Jitz isch schon äs Jahr verbi
sit mier hie si zäme gsi
di mischte hett me chumm me gseh
weder bim Caffee no bim Thee
Obs ächt net mal würdi lohne
ga z’luege wie di andere wohne
tüets doch gli emal versueche
u ghöht enand e chli ga bsueche

Näbe all dem feine Ässe
tuet me o z’Schpile net vergässe
viel z’viel mampfä git ä Ranze
höht doch gschider chli ga tanze
Pfileschiesse, Sifeblase
bir Staffette umerase
u für jede guete Schuss
gits de. no e Negerkuss

Ja das Gandfescht hett e guete Ruef
fasch aller Lüt hi hie e Bruef
Lehrer, Meche, Krankenpfleger
Landschaftsgärtner, Buechverleger
Schriner, Bugschäft, Rentner, Coiffeur
Garaschischt, Bärgfüehrer, Schofför
Künschtler, Husfrou, Zimmermaa
hie im Gand chasch alles haaaa

Jitz wi mier net lenger lire
gschider no chli zäme fire
gli chunnt scho der Mentigmorge
mit de grosse u chline Sorge
u chunt das Liedli gar net a
mier hi glich üsä Schpass drand gha
Wems gfallt dä singt ist chräftig mit
bi dem Super-Gander-Hit

Jitz wi mier ässe, schpile, lache
us zäme luschtig ha
mier danke dä Initiante
wo die gueti Idee hi gha.